2024 жылғы 15-17 мамыр аралығында Алматы қаласында USAID қолдаумын ҚР ДСМ «Ұлттық қоғамдық денсаулық сақтау орталығы» ШЖҚ РМК базасында денсаулық сақтау, ауылшаруашылығы және экология минстрлігінің аудандық/облыстық бағынысты мекемелерінің 60-қа жуық мамандарына тұрақты үйлестіруді қамтамасыз етуге бағытталған бірыңғай денсаулық салааралық тәсілін қолдану негізінде қысқа мерзімді курсы өткізілді.
Аталған курста Республикалық ветеринариялық зертхананың әдістеме және оқыту орталығы бөлімінің басшысы, ветеринария ғылымдарының кандидаты Саят Төлебайұлы зооноздық аурулар бойынша дәріс оқып, ментор қызметін атқарды.
«Бірыңғай денсаулық» - бұл аймақтарды бөлмей, оларды біріктіру арқылы адам, жануарлар және экожүйелердің саулығын оңтайландыру тәсілі.
Бұл пәнаралық тәсіл зооноздық аурулардың таралуына, санитарлық жағдайды жақсартуға және экожүйелік тепе-теңдікті сақтауға байланысты мәселелерді тиімдірек шешуге мүмкіндік береді. Курстан өткен мамандар аурулардың алдын алу және бақылау үшін интеграцияланған әдістерді одан әрі қолдануға, сондай-ақ қоғамдық денсаулық сақтау мен өңірлердің тұрақты дамуын жақсартуға үлес қосуға көмектесетін құнды білім мен дағдыларға ие болды.
