Іс-шараға Оңтүстік Қазақстан өңірлік филиалының, Жамбыл облыстық филиалының және Қызылорда облыстық филиалының қызметкерлері қатысты.
Тренинг барысында ГОСТ ISO/IEC 17025-2019 стандартына сәйкес аккредиттеу мәселелері жан-жақты қарастырылды. Ерекше назар ҚР ИжСМ №430 бұйрығына аударылды, онда аккредиттеу құжаттарының нысандары, сондай-ақ алдын ала және кейінгі аккредиттеу шарттары реттеледі.
Семинар мамандар арасында тәжірибе алмасуға және біліктілікті арттыруға тиімді алаң болды. Қатысушылар практикалық жағдайларды талқылап, өзекті мәселелер бойынша пікір алмасты және күнделікті жұмыс барысында қолдануға болатын жаңа білім алды.
Мұндай оқыту шаралары мамандардың кәсіби деңгейін көтеруге және зертханалар жұмысының сапасын арттыруға септігін тигізеді, бұл өз кезегінде жүргізілетін зерттеулердің нақтылығы мен сенімділігіне тікелей әсер етеді.
