Сапардың негізгі мақсаты - болашақта бірлескен зертхана орналасатын Шығыс Қазақстан облыстық филиалының дайындығын тексеру. Бас директор филиалдың инфрақұрылымдық жағдайымен танысып, филиал басшылығымен ұйымдық және техникалық мәселелерді талқылап, зертхананы кезең-кезеңімен іске қосуға байланысты нақты тапсырмалар берді.
Инспекция барысында сыртқы жөндеу-құрылыс жұмыстарына ерекше көңіл бөлінді. Қазіргі таңда бұл жұмыстар аяқталу сатысында, бекітілген кестеге сәйкес жүргізілуде және тұрақты бақылауда тұр.
Қазақстан мен Қытай арасындағы Бірлескен зертхананың ашылуы - ауыл шаруашылығы мен ветеринария салаларындағы халықаралық ынтымақтастықты нығайтудың маңызды қадамы болмақ. Жоба мамандар арасында тәжірибе алмасуға, заманауи зерттеулер мен диагностика жүргізуге жаңа мүмкіндік береді.
