Қатысушыларға бақылау үлгілері беріліп, олардың нәтижелері бойынша қолданылатын әдістердің дәлдігі мен мамандардың біліктілік деңгейі бағаланатын болады. Филиалдар үшін мұндай сынақтарға қатысу зертханалық зерттеулердің жоғары сапасын қамтамасыз етуге бағытталған жоспарлы жұмыстың бір бөлігі болып табылады.
Бағдарламаның халықаралық форматы диагностикада бірыңғай тәсілдерді енгізуге, әлемдік стандарттарға сәйкестікті сақтауға және елдер арасындағы тәжірибе алмасуға мүмкіндік береді. Бұл зерттеу нәтижелеріне сенімді арттырып, отандық зертханалық қызметтің халықаралық беделін көтеруге ықпал етеді.
Осы бағыттағы жүйелі жұмыс кадрлық әлеуетті дамытуға және ветеринариялық диагностика тәжірибесін жетілдіруге тікелей байланысты, соның нәтижесінде елдің эпизоотиялық тұрақтылығын қамтамасыз етуге және азық-түлік қауіпсіздігін нығайтуға ықпал етеді.
Кәсіпорынның Бас директоры зертханалардың халықаралық деңгейде құзыреттілігін растауы олардың табысты қызметінің маңызды шарты және саланың одан әрі дамуының негізі екенін атап өтті.
