Жаңалықтар

22 Декабрь 2022

138

Бүгін мәжіліс залында Кәсіпорын бас директоры Т.Елшибаевтың төрағалық етуімен жылдық қорытындылаудың коллегиялық отырысы Кәсіпорын орталық аппаратының басшылық құрамы және облыстық/өңірлік филиалдары директорларының қатысуымен өтуде. Сонымен бірге, аудандық/аумақтық зертханалардың басшылары бейне байланыс арқылы қатысып отырды.  Коллегия отырысының бағдарламасына сәйкес, бұл жиын екі күнге созылмақ.

Коллегия отырысының ашылуын жариялай отырып, Кәсіпорынның бас директоры Т.Елшибаев кіріспе сөз сөйледі. Ол өз сөзінде Кәсіпорынның даму стратегиясында қарастырылған шараларды атқару барысына тоқталып өтті.

Сөз соңында, бұл күндердің сәтті өтетінін, қатысушылардың іс-шаралар бағдарламасын қосымша жаңа жоспарлармен және өзекті оқиғалармен  толықтыратынына үміт білдіретінін айтты.

Күн тәртібіне сәйкес отырыста екі мәселе қаралуда. Біріншісі, облыстық және өңірлік филиалдарындағы жұмыс барысында туындайтын кейбір  проблемалық мәселелер, оларды шешу жолдары.

Отырыста қаралатын екінші мәселе, Кәсіпорындағы ақылы қызметтерді дамыту және алдағы кезеңге арналған міндеттер туралы мәселе.

2022 жыл бойынша атқарылған жұмыстардың қорытындысы туралы Солтүстік-Қазақстан облыстық филиалының директоры Ербатыр Мадьяров, Қарағанды облыстық филиалының директоры Гүлнар Зейноллина, Алматы өңірлік филиалының директоры Айбар Қарымсақов баяндама жасады.

Әрбір жасалған баяндама соңында тиісті сұрақтар беріліп, жауаптар қайтарылып отырды.

Осымен Коллегия отырысының алғашқы күні аяқталып, екінші күн ертеңгі күнмен жалғасады.

Көбірек...

21 Декабрь 2022

221

Ауыл шаруашылығы министрлігі «Ауыл шаруашылығы жануарларын сәйкестендіру» ақпараттық жүйесінде «VetLab» модулін (жануарларды диагностикалық зерттеу) әзірлеу және іске қосу бойынша тиісті жұмыстарды жүргізді.

 «VetLab» модулі ауыл шаруашылығы жануарлары ауруларының диагностикасы саласындағы үлгілерге зертханалық зерттеулер жүргізу бойынша ақпарат беруге арналған. Модульді іске қосу шеңберінде «Ауыл шаруашылығы жануарларын сәйкестендіру» ақпараттық жүйесінде жануарлардан алынған биологиялық және патологиялық материалдың сынамалары бойынша электрондық құжаттарды (ілеспе хат, сынамаларды іріктеу актісі және тізімдеме) автоматты қалыптастыру процестері, «VetLab» модулінде сынамаларды қабылдау және зерттеу нәтижелерін беру іске асырылды.

Бұл ретте зерттеу нәтижелері «Ауыл шаруашылығы жануарларын бірдейлендіру» ақпараттық жүйесіне автоматты түрде түседі, бұл жануарларды диагностикалық зерттеулер бойынша деректерді уақтылы, толық енгізбеу факторын толығымен жоюға мүмкіндік береді. Сондай-ақ бүкіл ел бойынша зертхана диагностикалаған жануарлар ауруларының көрінісін көру мүмкіндігіне жол ашады.

«VetLab» Алматы, Қарағанды, Солтүстік Қазақстан және Түркістан облыстарында пилоттық тестілеуден өтті. Оның қорытындысы бойынша жергілікті атқарушы органдардың зертхана мамандары мен мал дәрігерлерінің ұсыныстары ескерілді.

Әзірлеушілер жергілікті атқарушы органдардың ветеринариялық дәрігерлерін, барлық облыстардың ветеринариялық зертханаларының мамандары мен ветеринариялық инспекторларын оқытуды жүргізді.

Осы уақытқа дейін "VetLab" модулі бойынша Республикалық ветеринариялық зертханаға жануарлардың 19,5 млн қан сынамасы жіберілді, оның 3,4 млн-ы сәйкестікке тиісті тексеруден өтпеді.

22 Декабрь 2022

197

Қазақстан Республикасы Үкіметінің 2020 жылғы 22 желтоқсандағы № 874 Қаулысымен мереке күндерінің күнтізбесіне «22 желтоқсан – архивистер күні» енгізілді. Бұл күн бекер таңдалмаған. Өйткені, дәл осы күні 1998 жылы елімізде алғаш рет Ұлттық мұрағат қоры туралы заң қабылданды.

Осы сәттен бастап мұрағат ісінің қызметкерлері өздерінің кәсіби мерекелерін 22 желтоқсанда атап өтеді. Олар сондай-ақ өз жұмыстарын қорытындылайды.

 Еліміздің деректі байлығын сақтау және қорғау - мемлекеттік және мемлекеттік емес архивтердің, қоғамдық ұйымдардың, Қазақстан азаматтарының, сондай-ақ әрине, еліміздің барлық деңгейдегі архив қызметінің міндеті мен парызы.

Біздің Кәсіпорын 2001 жылдан бастап Ұлттық мұрағат қорын толықтыру көзі болып табылады. Қор жыл сайын құнды деректермен толықтырылып отырады.

Кәсіпорынның орталық аппаратында және облыстық/өңірлік филиалдарында жабдықталған ведомстволық архивтер бар, сондай-ақ архив жұмыстарын атқаратын үлгілі мамандар да бар.

Атап айтсақ, Ақтөбе, Павлодар, Солтүстік-Қазақстан облыстық филиалдарының хатшы-архивистері құжаттарды өз күштерімен өңдеп, жергілікті мемелекеттік архивтермен тығыз байланыста жұмыс жасайды. Бүгінгі таңда өзге де облыстық/өңірлік филиалдардың мамандары жоғарыда аталған мамандардан үлгі ала отырып, келесі жылдан бастап өз күштерімен құжаттарды өңдеу жұмыстарын қолға алмақшы.

Бүгінгі кәсіби мереке – архивистер күнімен Кәсіпорын мамандарын құттықтаймын! Кәсіпорында атқарылып жатқан негізгі қызметіміздің тарихын сақтау жолындағы еңбектеріңізге мол жетістіктер мен табыстар тілеймін!   

14 Декабрь 2022

148

Ағымдағы жылдың 14 желтоқсанында Қазақстан Республикасы Ауыл шаруашылығы министрлігі Ветеринариялық бақылау және қадағалау комитетінің «Республикалық ветеринариялық зертхана» шаруашылық жүргізу құқығындағы Республикалық мемлекеттік кәсіпорны бас директоры Т.Елшибаевтың төрағалық етуімен, облыстық және өңірлік филиалдары басшыларының қатысуымен Кәсіпорынның 2022 жылғы мемлекеттік тапсырыстарды орындаудың 11 айлық көрсеткіштері бойынша бейне конференц байланысы (ВКС) арқылы хаттамалық отырысы өткізілді.

Отырыс барысында 249  «Мал шаруашылығын дамыту және мал шаруашылығы өнімдерін өндіру, сату үшін жағдай жасау» бюджеттік бағдарламасында 100 «Жануарлар ауруларын диагностикалау» шағын бағдарламасы шеңберінде жануарлар ауруларын диагностикалау мәселелері талқыланды.

Филиал директорлары кері байланысқа шығып, жұмыс барысында туындайтын кейбір кедергілер мен мәселелерді шешу жолдары мен ұсыныстарын ортаға салды.

Отырыс соңында бас директор орталық аппараттың өндіріс басшыларына және филиал директорларына  бір қатар хаттамалық тапсырмалар берді.    

Көбірек...