Жаңалықтар

: 22 Декабрь 2022; 278

Қазақстан Республикасы Үкіметінің 2020 жылғы 22 желтоқсандағы № 874 Қаулысымен мереке күндерінің күнтізбесіне «22 желтоқсан – архивистер күні» енгізілді. Бұл күн бекер таңдалмаған. Өйткені, дәл осы күні 1998 жылы елімізде алғаш рет Ұлттық мұрағат қоры туралы заң қабылданды.

Осы сәттен бастап мұрағат ісінің қызметкерлері өздерінің кәсіби мерекелерін 22 желтоқсанда атап өтеді. Олар сондай-ақ өз жұмыстарын қорытындылайды.

Еліміздің деректі байлығын сақтау және қорғау - мемлекеттік және мемлекеттік емес архивтердің, қоғамдық ұйымдардың, Қазақстан азаматтарының, сондай-ақ әрине, еліміздің барлық деңгейдегі архив қызметінің міндеті мен парызы.

Біздің Кәсіпорын 2001 жылдан бастап Ұлттық мұрағат қорын толықтыру көзі болып табылады. Қор жыл сайын құнды деректермен толықтырылып отырады.

Кәсіпорынның орталық аппаратында және облыстық/өңірлік филиалдарында жабдықталған ведомстволық архивтер бар, сондай-ақ архив жұмыстарын атқаратын үлгілі мамандар да бар.

Атап айтсақ, Ақтөбе, Павлодар, Солтүстік-Қазақстан облыстық филиалдарының хатшы-архивистері құжаттарды өз күштерімен өңдеп, жергілікті мемелекеттік архивтермен тығыз байланыста жұмыс жасайды. Бүгінгі таңда өзге де облыстық/өңірлік филиалдардың мамандары жоғарыда аталған мамандардан үлгі ала отырып, келесі жылдан бастап өз күштерімен құжаттарды өңдеу жұмыстарын қолға алмақшы.

Бүгінгі кәсіби мереке – архивистер күнімен Кәсіпорын мамандарын құттықтаймын! Кәсіпорында атқарылып жатқан негізгі қызметіміздің тарихын сақтау жолындағы еңбектеріңізге мол жетістіктер мен табыстар тілеймін!

: 21 Декабрь 2022; 297

Ауыл шаруашылығы министрлігі «Ауыл шаруашылығы жануарларын сәйкестендіру» ақпараттық жүйесінде «VetLab» модулін (жануарларды диагностикалық зерттеу) әзірлеу және іске қосу бойынша тиісті жұмыстарды жүргізді.

«VetLab» модулі ауыл шаруашылығы жануарлары ауруларының диагностикасы саласындағы үлгілерге зертханалық зерттеулер жүргізу бойынша ақпарат беруге арналған. Модульді іске қосу шеңберінде «Ауыл шаруашылығы жануарларын сәйкестендіру» ақпараттық жүйесінде жануарлардан алынған биологиялық және патологиялық материалдың сынамалары бойынша электрондық құжаттарды (ілеспе хат, сынамаларды іріктеу актісі және тізімдеме) автоматты қалыптастыру процестері, «VetLab» модулінде сынамаларды қабылдау және зерттеу нәтижелерін беру іске асырылды.

Бұл ретте зерттеу нәтижелері «Ауыл шаруашылығы жануарларын бірдейлендіру» ақпараттық жүйесіне автоматты түрде түседі, бұл жануарларды диагностикалық зерттеулер бойынша деректерді уақтылы, толық енгізбеу факторын толығымен жоюға мүмкіндік береді. Сондай-ақ бүкіл ел бойынша зертхана диагностикалаған жануарлар ауруларының көрінісін көру мүмкіндігіне жол ашады.

«VetLab» Алматы, Қарағанды, Солтүстік Қазақстан және Түркістан облыстарында пилоттық тестілеуден өтті. Оның қорытындысы бойынша жергілікті атқарушы органдардың зертхана мамандары мен мал дәрігерлерінің ұсыныстары ескерілді.

Әзірлеушілер жергілікті атқарушы органдардың ветеринариялық дәрігерлерін, барлық облыстардың ветеринариялық зертханаларының мамандары мен ветеринариялық инспекторларын оқытуды жүргізді.

Осы уақытқа дейін "VetLab" модулі бойынша Республикалық ветеринариялық зертханаға жануарлардың 19,5 млн қан сынамасы жіберілді, оның 3,4 млн-ы сәйкестікке тиісті тексеруден өтпеді.

: 14 Декабрь 2022; 204

«Республикалық ветеринариялық зертхана» ШЖҚ РМК бас директоры Елшібаев Т.А. Солтүстік Қазақстан облысына жұмыс сапарымен барды.

Жұмыс сапары барысында Солтүстік Қазақстан облысы әкімінің бірінші орынбасары М.Т.Тасмағанбетовпен кездесу өтті, аумақтық инспекция мен ветеринария басқармасының өкілдері де болды. Отырыста ветеринариялық зертхана мәселелері, сондай-ақ Солтүстік Қазақстан облысының ветеринариясының өзекті мәселелері талқыланды. Сонымен бірге, жұмыс сапары аясында Солтүстік Қазақстан облыстық филиалының ветеринариялық зертханасының қызметкерлерімен кездесу өтті, онда Елшібаев Т.А. ветеринариялық зертхананы аралап, филиал қызметімен және қызметкерлердің еңбек жағдайымен танысып, түйткілді мәселелерді тыңдап, зертхана жұмысын жақсарту бойынша тиісті ұсыныстар берді.

Көбірек...

: 14 Декабрь 2022; 219

Ағымдағы жылдың 14 желтоқсанында Қазақстан Республикасы Ауыл шаруашылығы министрлігі Ветеринариялық бақылау және қадағалау комитетінің «Республикалық ветеринариялық зертхана» шаруашылық жүргізу құқығындағы Республикалық мемлекеттік кәсіпорны бас директоры Т.Елшибаевтың төрағалық етуімен, облыстық және өңірлік филиалдары басшыларының қатысуымен Кәсіпорынның 2022 жылғы мемлекеттік тапсырыстарды орындаудың 11 айлық көрсеткіштері бойынша бейне конференц байланысы (ВКС) арқылы хаттамалық отырысы өткізілді.

Отырыс барысында 249 «Мал шаруашылығын дамыту және мал шаруашылығы өнімдерін өндіру, сату үшін жағдай жасау» бюджеттік бағдарламасында 100 «Жануарлар ауруларын диагностикалау» шағын бағдарламасы шеңберінде жануарлар ауруларын диагностикалау мәселелері талқыланды.

Филиал директорлары кері байланысқа шығып, жұмыс барысында туындайтын кейбір кедергілер мен мәселелерді шешу жолдары мен ұсыныстарын ортаға салды.

Отырыс соңында бас директор орталық аппараттың өндіріс басшыларына және филиал директорларына бір қатар хаттамалық тапсырмалар берді.

Көбірек...

: 12 Декабрь 2022; 264

Ветеринарлық бақылау және қадағалау комитетің эпизоотиялық мониторинг басқармасының басшысы С. Т. Құрманғалиевтің төрағалығымен Қазақстан Республикасы Ауыл шаруашылығы министрлігі Ветеринариялық бақылау және қадағалау комитетінің "Республикалық ветеринариялық зертхана "ШЖҚ РМК көрсететін мемлекеттік монополия қызметтеріне бағалар жобасын" талқылау бойынша жария тыңдау өткізілді.

Бас директор Т. А. Елшібаев "Қазақстан Республикасының биологиялық қауіпсіздігі туралы" ҚР Заңына, сондай-ақ Қазақстан Республикасы Ауыл шаруашылығы министрінің 2022 жылғы 9 қарашадағы № 370 бұйрығына сәйкес Патогенділігі I және II топтағы патогенді биологиялық агенттермен жұмыс істейтін қызметкерлерге 50 (елу) пайыз мөлшерінде қосымша ақы төлеу мәселесін шешу қажеттігі туралы айтты, ал сондай-ақ, өндірістік персонал қызметкерлерінің жалақысын көтерудің шұғыл қажеттілігі туралы. Мемлекеттік монополия қызметтеріне бағаның өсуі жоғарыда аталған мәселелерді шешумен тікелей байланысты.

Аталған тыңдауға ҚР Бәсекелестікті қорғау және дамыту агенттігі, "Атамекен" ҚР Ұлттық Кәсіпкерлер Палатасы, "Асыл - Түлік" АҚ, "Қазақстан құс өсірушілер одағы" заңды және жеке тұлғалар бірлестігі және т.б. өкілдері қатысты.